கனவின் வரைப்படங்கள்..

*
தன் கனவின் வரைப்படங்களை
கத்தரித்துத் தரும்படி
கேட்கிறான் ஒரு வழிப்போக்கன்

என்னிடம் கத்தரிக்கோல் இல்லை
என்று மறுக்கிறேன்

உன் வார்த்தைகளின் கூர்மைப் பற்றி
பக்கத்து தெருக்களில் பேசிக் கொள்கிறார்கள்
என்றபடி மீண்டும் வற்புறுத்துகிறான்

எங்கும்
எப்போதும் பார்வையில் பட்டு
மேலும் மேலும் பெருகிவிட்ட
வரைப்படங்களை சுமந்தபடி
எதிரே நிற்கிறான்

பிறகு நான்
ஒரு
கூர்மையான வார்த்தையை
தேடத் தொடங்குகிறேன்

******

நன்றி : ( உயிரோசை / உயிர்மை.காம் ) [ ஜூன் - 13 - 2011 ]

http://www.uyirmmai.com/ContentDetails.aspx?cid=4432