*
கிழடுக்கு வகிடெடுத்தது போல்
நகரத்து நெடுஞ்சாலை
வெள்ளை காக்கி உடுப்புகளின்
பூட்ஸ் ஒலித் துல்லியம்
வட்டச் சிவப்பு
அணைத்து திசையிலும் எரிய
இருபுறமும்
அசையாத மனித முகங்கள்
ஓரங்கட்டி ஒடுங்கும்
இருசக்கர வாகனங்கள்
சட்டென ஊமையாகிவிட்டது
நகரத்து பரபரப்பு
நடுக்கத்தோடு காற்றை சுமந்து
சாலை கடக்கிறது
உதிர்ந்த ஒற்றை சருகு
ஒன்றும் புரியாமல்
சர்...சர்ரென்று
கொண்டை விளக்கு சுழற்றி விரையும்
குளிரூட்டப்பட்ட வெள்ளை வாகனங்களில்
யாரும் இல்லை..
****
கருத்துகள் இல்லை:
கருத்துரையிடுக