எல்லா திசையிலும்..

*
நீயுன்
வெற்றுக் கணத்தில் எதுவும்
சொல்வதில்லை

ஆறுதல் வார்த்தைகளை மென்று முழுங்குகிறாய்
கவனப் பிசகில் கால் முளைக்கும்
அர்த்தங்கள் ஒவ்வொன்றாய்
எல்லா திசையிலும் ஒரே நேரத்தில் பயணிக்கத்
தொடங்குகிறது

நீயுன்
வெற்றுக் கணத்தில் எதுவும்
சொல்வதில்லை

அவ்வெற்றுக் கணமும்
உன்னிடம் சொல்வதற்கு ஏதுமின்றி
ஆறுதல் வார்த்தைகளை மென்றுக் கொண்டே நிற்கிறது


*****

நன்றி : ( உயிரோசை / உயிர்மை. காம் ) [ டிசம்பர் - 24 - 2012 ]

http://www.uyirmmai.com/ContentDetails.aspx?cid=6157