எதுவுமில்லை என்பதையொத்த ஓர் உடல்மொழி

* 
பேச்சு சுருங்கிப் புள்ளியாகிவிடும்
தருணத்தில்
நீ வெளியேறிவிட்டாய்

இதற்குப் பின் எதுவுமில்லை என்பதையொத்த
ஓர் உடல்மொழி

விரிவடையத் தொடங்கும் அப்புள்ளியின்
நுணுக்க கணத்தினுள்
சுழல்கிறது
இதுவரைக் கண்டிராத உலகமொன்று

அதனூடே கடந்து செல்லும் பாதச்சுவடுகள்
வேறு யாருடையதோ

நீயுமற்றும் நானுமற்று
பின்
நாமுமற்று

****

நன்றி : ( உயிரோசை / உயிர்மை. காம் ) [ ஜூலை - 8 - 2013 ]

http://www.uyirmmai.com/ContentDetails.aspx?cid=6232