பருகுவதற்கு இவ்விரவில் எந்தத் தடையும் இல்லை..

*
நீங்கள்
நம் விவாதத்துக்கு பிறகு
இந்த மேஜையை பங்கிட்டுக் கொள்ளலாம்

உட்கார்வதற்குரிய நாற்காலியை நீங்களே
தேர்வும் செய்யலாம்

உங்கள் பரிசு பொட்டலத்தை
ரிப்பன் பிரிக்காமல்
பத்திரப்படுத்த
வாசலில் வைத்திருக்கும்
விலை உயர்ந்த அழகிய பூ வேலைப்பாடுகள் கொண்ட
குப்பைத் தொட்டியில் போட்டு விடலாம்

ஒரு கோப்பை மதுவை தளும்பத் தளும்ப
நீங்கள் பருகுவதற்கு
இவ்விரவில் எந்தத் தடையும் இல்லை

உங்கள் நாவின் நடனத்தில்
உச்சரிப்பின் கால்கள் நழுவுவதை குறிப்பெடுக்க
தற்சமயம் உங்களிடம் இல்லை
எந்தவொரு வார்த்தையும்

****

நன்றி : ( உயிரோசை / உயிர்மை.காம் ) [ செப்டம்பர் - 3 - 2012 ]

http://www.uyirmmai.com/ContentDetails.aspx?cid=5912