வியாழன், டிசம்பர் 22, 2016

உடல் சுற்றி அதிரும் வகைமைகளின் கான்க்ரீட் நிறம்..


*

காருண்யத்தின் கடைசிப் பெட்டி
பிளாட்ஃபார்மிலிருந்து விலகிக்கொண்டிருக்கிறது

மௌனச் சுமையுடன் ஓடுவது இப்போது
பெருங்குற்றமல்ல

(அதே) நேரத்தின் அவசியமும் கூட

அடையாள அட்டையின் பிழைகள் குறித்த
கவலைக்கு அவகாசமில்லை

மேலும்
காருண்யத்தின் வகைமைகள் பற்றிய குழப்பங்கள்
வேகத்தைத் தடை செய்யவும் கூடும்

ஓட்டத்தின் பிரதான நோக்கம்
பிளாட்ஃபார்மின் கான்க்ரீட் இறுக்கத்தை
சாதகமாக்கிக் கொள்வதாகும்

உடல் சுற்றி அதிரும்ஆராவின் நிறம்
மூழ்கடிக்கிறது இப்பகலை

காருண்யத்தின் கடைசிப்பெட்டியோ ஒளிர்கிறது
நிறமற்ற புன்னகையின்
சயன நீலச் சாயல் கொண்டு

***

கருத்துகள் இல்லை:

கருத்துரையிடுக