அழைக்கப்படாத இரவு..

*
ஓர் எதிர்பாரா சந்திப்பு
யாவற்றையும் கொஞ்சம் கலைக்கிறது

விருப்பமில்லை என்றாலும்
குடிக்க நேரும் டீயின் அபத்தம்
ஒரு தொடக்கம்

பிடிக்க விரும்பும் சிகரெட் நிமிடங்கள்
கனன்றபடி புகைவது
மனதில்

நடிகனாகவும் பார்வையாளனாகவும்
பங்கு பெரும் இந்த சாதனை அரங்கில்
கைத்தட்டல் கிடையாது

ஒரு பிட் நோட்டீஸ் போல
வழங்கப்படும்
செல்போன் எண்கள் வெகுநாட்களாக
அழைக்கப்படாமல்
பின்னொரு இரவில்
பட்டியலிலிருந்து நீங்கும்
இடநெருக்கடி

ஓர்
எதிர்பாரா சந்திப்பு
கொஞ்சம் கலைத்து விடுகிறது தான்
யாவற்றையும்

*****

நன்றி : ( உயிரோசை / உயிர்மை.காம் ) [ ஜூன் - 6 - 2011 ] 


http://www.uyirmmai.com/ContentDetails.aspx?cid=4396