வடிவங்களை அறுத்து அடுக்கும் கோட்பாட்டுப் படிகள்..

*
நமக்கிடையே
இறக்கை முளைத்தும்
பறக்க இயலாத
உரையாடல் குஞ்சுகளை

தன்
பசிக்கிரையாக
கொத்திச் செல்ல
புராதனக் கட்டிடத்தின் கூரைப் பொந்தில்
தருணம் பார்த்துக் காத்திருக்கிறது
பருந்து ஒன்று

வட்டம் சதுரம்
நீள்சதுரம்  நீள்வட்டமென
வடிவங்களை அறுத்து அடுக்கிய
கோட்பாட்டுப் படிகளில் ஏறியோ இறங்கியோ
கடக்க நேரிட்ட மனிதர்கள்

வர்ணம் பூசிக் கொள்ளும்படி
சிபாரிசு செய்கிறார்கள்
நம்
இறக்கைகளுக்கு

******

நன்றி : ( உயிரோசை / உயிர்மை.காம் ) [ ஆகஸ்ட் - 22 - 2011 ] 


http://www.uyirmmai.com/ContentDetails.aspx?cid=4694