மூடிய விரல்களின் மிக்கி மௌஸ்

*
இறுக மூடி வைத்திருந்த விரல்களை சிரமப்பட்டு
ஒவ்வொன்றாய்ப் பிரித்தாள்

அத்தனை விரல்களும் விரிந்த பிறகு
உள்ளங்கையில் சிரித்தது
பேனாவில் வரைந்த
ஒரு மிக்கி மௌஸ் சித்திரம்

குதூகலித்து
உள்ளங்கை அள்ளி முத்தங்கள் இட்டாள்
தொடர் முத்தங்களின் முடிவில்
இறுதி முத்தத்திற்கு பிறகு

உள்ளங்கையில் இருந்த
மிக்கி மௌஸ்
அவள் உதடுகளில் உட்கார்ந்து கொண்டது

******

நன்றி : ( உயிரோசை / உயிர்மை.காம் ) [ நவம்பர் - 28 - 2011 ] 


http://www.uyirmmai.com/ContentDetails.aspx?cid=5036