செவ்வாய், செப்டம்பர் 30, 2014

ஒன்றன் பின் ஒன்றாக..

*
நான் 
வந்த பிறகும் 
இன்னும் பகிரப்படாமலே உருகத்  தொடங்குகிறது
நீ ஆர்டர் செய்த ஐஸ்க்ரீம்

அடக்கமான வெளிச்ச விளிம்புக்கு
பின்னிருக்கும் நிழலில்
புதைந்திருக்கிறது உன் முகம்

தாமதத்துக்கான
ஒவ்வொரு காரணங்களையும்
ஒன்றன் பின் ஒன்றாக
ஒரு மெழுகுவர்த்தியைப் போல
இந்த மேஜையின் மீது ஏற்றி வைக்கிறேன்

கூடுதலாகிப்போன சொற்ப
பிரகாசத்தில்
முதலில் வெளிப்பட்டது ஒரு
வளைந்த புன்னகை

பிறகு ஒரு சொல்

****

கருத்துகள் இல்லை:

கருத்துரையிடுக