வியாழன், ஜூலை 31, 2014

பாதையற்ற புறவாசலின் சுற்றுச்சுவர்

*
தொலைந்து போவதற்குரிய பாதையொன்று
மனத்தின் புறவாசலில் கிளை பிரிவதாக நியூரான் பின்னுகிற செய்தி
மீள் சூட்சும எழுத்தின் கோடுகளில்
அதன் நெருக்கக் கணங்களை ஸ்கேனர் சிகப்பொளியின்
இடவல ஓட்டமாக்கி அரூபக் குறிப்பெழுதுகிறது

கவனத்தில் கொள்ளத்தக்க காரண அடுக்குகளின்
புழுதிச் சிதறலில்
முளைவிடுவதாக இல்லை திரும்புதலுக்கான வரைப்படம்

யந்திர கூட்டிணைவின் இயக்க முரண்களை முடுக்கும்
பஸ்ஸர் ஒலி
துரத்துகிறது அவ்விடத்தின் வெளியை வெற்றாக்கிட

பாதையற்ற புறவாசலின்
சுற்றுச்சுவரில்
வேர்ச் சுற்றி வளர்கின்றன உலோக வரைப்படங்கள்

****


நன்றி : ' யாவரும்.காம் ' இணைய இதழ் [ ஜூலை - 19 - 2014 ]

http://www.yaavarum.com/archives/2614

கருத்துகள் இல்லை:

கருத்துரையிடுக