வழிந்து இறங்கும் நேற்றைய யோசனை

*
ஒரு நிமிடம் மறு நிமிடத்தின் மீது வைக்கும் பணயத்தை
வாழ்வியல் பந்தயம் என்பதை
விடாமல் துடித்தபடி ஒப்புக்கொள்ள மறுக்கிற நொடி

தடம் புரளும் நுண்ணிய தமனியின் வழி பாயும் குருதிச் சூட்டில்
குளிர் காய்கிற நேற்றைய யோசனையோடு
 
இக் கணத்தின் முதுகெலும்பில்
இதுவரை எழுதப்பட்ட மௌனத் துளி
வழிந்து இறங்குகிறது
துரோக நிழலாகி
 
காலம் என்பதாக
 
****