காகிதந்தின்னிப் புழுக்கள்..

*
தந்திரங்களை அடுக்கி
துளையிட்டுக் கோர்த்து
கையெழுத்துக்கென  நீட்டுகிறீர்கள்

வாசிக்க வாசிக்க அவிழும்
புதிர் சிடுக்குகளிலிருந்து
உதிர்ந்து ஓடுகின்றன
காகிதந்தின்னிப் புழுக்கள்

கைக் கட்டி பவிசாய் நிற்கும்
உங்கள் மௌனம்
தன் குளிர் கண்ணாடியை சரி செய்துக் கொள்கிறது

வீசாதக் காற்றின் கொப்புளங்கள்
முகமெங்கும் புடைப்பதில்

இந்த அலுவலகத்தின்
மின்விசிறி பிம்பம்
சலனமற்று கைவிரித்துத்
தொங்குகிறது
உங்கள் பவ்யத்தைப் போலவே
போலியாக

*****

நன்றி : ( உயிரோசை / உயிர்மை.காம் ) [ ஏப்ரல் - 4 - 2011 ] 


http://www.uyirmmai.com/ContentDetails.aspx?cid=4165