வெள்ளி, செப்டம்பர் 23, 2011

டுவிங்க்...

*
சின்னஞ்சிறிய பரிதவிப்போடு
பறக்கிறது குருவி

வேகமாய் ஓடத் தெரியாத
கரப்பான் பூச்சியை கொத்திச் சிதிலமாக்கும்
ஒவ்வொரு நொடிப் பொழுதும்
'டுவிங்க்.. டுவிங்க்..'
என்று துடிக்கும் அதன் வாலின்
சங்கேத மொழியை
ஆபீஸ் கீ போர்டில்
டைப் அடித்துக் கொண்டிருக்கிறேன் 

கிர்ரக் கிர்ரக்... என்ற
கரப்பான் பூச்சியின் மரண ஒலியை
சன்னமாய் பிரிண்ட் அவுட் செய்கிறது
காகிதத்தை தொடர்ச்சியாய்
தின்றுப் பழகிய மெஷின்

வங்கிக் கணக்கில்
மாதா மாதம் சேகரமாகும் பணத்தை
மீட்டுத் தரும் பிளாஸ்டிக் அட்டை
பராமரிக்கிறது
என்
கூட்டை

******

நன்றி : ( உயிரோசை / உயிர்மை.காம் ) [ செப்டம்பர் - 19 - 2011 ] 


http://www.uyirmmai.com/ContentDetails.aspx?cid=4797

கருத்துகள் இல்லை:

கருத்துரையிடுக