திங்கள், ஜனவரி 23, 2012

மொழிபெயர்த்துவிட முடியாத ஒரு மௌனம்..

*
அத்தனை எளிமையாக நீங்கள் சொல்லிவிட முடியாது
ஒரு பயத்தை
அவ்வளவுத் துல்லியமாக நீங்கள் கணித்து விடமுடியாது
ஒரு துரோகத்தை
அப்படியொன்றும் சுலபமல்ல உங்களை நோக்கி வரும்
சொற்களின் அர்த்தங்கள் புரிந்துவிட

அவ்வளவு அவசரமாக உங்களால் மொழிபெயர்த்து விடமுடியாது
ஒரு மௌனத்தை
அத்தனை பயணத்திலும் நீங்கள் அடைந்து விடமுடியாது
ஒரு மையத்தை

அப்படியொன்றும் ஆழமிறங்குவதில்லை உங்களின் கூர்மை
குரல் தாழ்ந்து கெட்டித்தப் பரப்பில்

அவ்வளவு பட்டியலிலும் இடம்பெற்று விடும் தகுதியோடு
உறங்கச் செல்லும் உங்கள் இரவு
அத்தனைக் கணக்காகத் திட்டமிடப்படுகிறது உங்களுக்கு
சம்பந்தமில்லாத ஒரு பகலில்
ஏதோவொரு மேஜையில்
ஏதோவொரு கோப்பில்
ஏதோவொரு முத்திரையின் கீழ்
ஏதோவொரு பச்சை நிறக் கையெழுத்தில்

அவ்வளவுத் துல்லியமாக நீங்கள் கணித்து விடமுடியாது
ஒரு அர்த்தத்தை

******

நன்றி : 'கீற்று' இணைய இதழ் [ ஜனவரி - 25 -2012 ]

http://www.keetru.com/index.php?option=com_content&view=article&act=section&id=18135&Itemid=139


3 கருத்துகள்:

  1. உங்கள் தளத்தை வலைச்சரத்தில் அறிமுகம் செய்திருக்கிறேன்
    http://blogintamil.blogspot.in/2012/08/blog-post_27.ஹ்த்ம்ல்
    என் தளம்
    http://kovaimusaraladevi.blogspot.in/

    பதிலளிநீக்கு
  2. உங்கள் தளத்தை வலைச்சரத்தில் அறிமுகம் செய்திருக்கிறேன்
    http://blogintamil.blogspot.in/2012/08/blog-post_27.html
    என் தளம்
    http://kovaimusaraladevi.blogspot.in/

    பதிலளிநீக்கு