புதன், ஜனவரி 25, 2012

அனிச்சையாய் உதிர்ந்து விழும் ஒரு சொல்..

*
வதையின் ரகசிய அறையில்
பாசிப் படர்ந்த அதன் சுவர் முழுவதும்
பெயர்களின் காரை உதிர்ந்து

சதைப் பெயர்த்த ஆயுதங்களின் குளிரில்
விறைத்துப் போகிறது உடலும்
நையப் புடைத்த மனமும்

அனிச்சையாய் உதிர்ந்து விழும் ஒரு சொல்லின்
அர்த்தத்தைக் கழுவி வழிகிறது
புனித ரத்தம்

நினமொழுகும் மௌனங்களின்
பிரார்த்தனை முணுமுணுப்பு எதிரொலிக்கும்
வதையின் அறையில்

மரணத்தின் இறுதிக் குறிப்பை உச்சரித்து
அடங்குகிறது வாழ்வின் உதடு

*****

நன்றி : ( உயிரோசை / உயிர்மை.காம் ) [ ஜனவரி - 30 - 2012 ]

http://www.uyirmmai.com/ContentDetails.aspx?cid=5225

கருத்துகள் இல்லை:

கருத்துரையிடுக