*
நரை மீசையின் நுனி
நண்பனோடு பேசும்போதெல்லாம்
நாவில் இளமையின் சுவையைக் கூட்டுகிறது..
கன்னத்து சதை மடிப்பை
பேரனோ பேத்தியோ
தளிர் விரலால் பிதுக்கும்போது
புரையோடுகிறது முதுமை..
பழுப்பேறிவிட்ட கண்களின்
வெண் பரப்பில்...
பிம்பங்களின் பதிவேற்றத்தில்
ஈர்ப்பற்ற படிமமாகிறது
காலத்தின் காட்சி யாவும்..
முனையாமலே நழுவுகிறது
இரவும் பகலும்
அனுதினம்..!
*****
கருத்துகள் இல்லை:
கருத்துரையிடுக