*
மழை ஓய்ந்த
இரவு நேரச் சாலையொன்றின்
ஊர் ஒதுக்கிய
பஸ் நிறுத்தத்தில் வந்து நின்றது..
கருப்பு நிற போர்டில்..
எண்கள் குளிர..
ஒரு கடைசிப் பேருந்து..
நீட்டிய ஐநூறு ரூபாய்க்கு
சில்லறையில்லை யென்ற
ஒற்றை விசில் சத்தம்..
என்னைத் துப்பிச் சென்ற
தனித்த அகாலத்தில்..
விளங்கிக் கொள்ள முடியாததாய் இருந்தது..
மனிதன் = பணம்
அல்லது
பணம் = மனிதன்
என்ற சமன்பாடு..!
****
கருத்துகள் இல்லை:
கருத்துரையிடுக