*
தெருவில்...
தள்ளுவண்டியில்..
சோன் பப்டி விற்பவனின்
மணிச் சத்தம்..
வீட்டுப் பாடம் எழுதிக் கொண்டிருக்கும்
குழந்தைகளின்..
கணக்குகளைக் குழப்புகின்றன..
மொழிவேண்டா ஓசையில்..
நாக்கில் இனிப்புக் குழறுகிறது
தயக்கங்கள்..
புள்ளிகளென..
கால் பெருவிரல் நகங்களில்
உருப்பெறுகின்றன பென்சில் முனை
நிமிண்டலில்..
மணிச்சத்தம்..மெல்ல..மெல்ல..
சன்னமாய்த் தேய்வதன்
பதற்றத்தில்..
அண்ணாந்து நோக்கும் பார்வையில்..
தென்படும் 'அம்மாக்களின்'..
காதுகள்..
தொலைந்து போயிருந்தன..!
****
கருத்துகள் இல்லை:
கருத்துரையிடுக