மீட்சியற்ற தடம்

*
எனது குதிரை உடைந்துவிட்டது
அது உடையும் முன்பாக
அதனிலிருந்து சில்லு சில்லாய்
உதிர்ந்து கொண்டிருந்தது
நூற்றாண்டுக்கால உளிச் சத்தம்

குதிரையின் கனைப்பு ஒலியும்
சிற்பியின் முனகல் வலியும்
மண்ணில் திரள்வதில்

மீட்சியற்ற மௌனத் தடமாகி
குழிகிறது முற்றிலும் உடைந்துவிட்ட
குதிரையின் குளம்பிருள்

****
நன்றி : ( உயிரோசை / உயிர்மை.காம் ) [ஜூலை - 9 - 2012 ]

http://www.uyirmmai.com/ContentDetails.aspx?cid=5729