*
மௌனத்தின்
முணுமுணுப்பில்
நட்சத்திரங்கள் மின்னுவதை
கதைப் புனைகிறாள் சிறுமி..
குளிர்ந்த துரோகம் ஒன்று
வட்டமிட்டு ஒளிரும்
சிறிய வெப்பம் தான்
நிலவு
என்கிறேன்..
திக்கற்று இருண்டிருக்கும் பாதையில்
பயணிக்க..
வழித்துணைக்கு
கொஞ்சம்
மின்மினிகள் பிடித்துத் தருகிறாள்..
இப்போது
மௌனத்தின் முணுமுணுப்பில்
நட்சத்திரங்கள்
மின்னுகின்றன..!
****
கருத்துகள் இல்லை:
கருத்துரையிடுக