*
இந்தப்
புங்கை மர நிழல்
என் வெளிர் நீல நிற சேலை முழுதும்
புதிய வடிவங்களை
நொடிக்கொரு முறை
வரைகிறது
கலைக்கிறது..
நீ
அருகாமையில் வந்துவிட்டதாக
தொடர்ந்து அனுப்பிக் கொண்டிருக்கும்
குறுஞ் செய்திகளின்
இறுதியில்..
தவறாமல்
புன்னகைக்கிறது
மஞ்சள் வட்ட முகமொன்றும்..
அசைவுறும் இலை நிழல்களும்
இசைந்து துள்ளும் குறுஞ் செய்திகளும்
போதுமானதாக இருக்கிறது
நீ வரும் வரை..
வந்து சேர்ந்ததற்கான
தாமதக் காரணங்களை
அடுக்கும்போது..
உனக்குப் பரிசளிக்க..
இப்போது
என்
கை நிறைய வைத்திருக்கிறேன்
மஞ்சள் புன்னகைகள்..!
****
கருத்துகள் இல்லை:
கருத்துரையிடுக