*
எங்கிருந்து தொடங்குவது
என்பதைப் பற்றி
யாருக்கும் சொல்லப் பிடிக்கவில்லை
அல்லது
சொல்லும்படியான எச்சரிக்கையுடன்
திடீரென்று அந்தக் காலை விடிவதுமில்லை
நம்பும்விதமாக
அதை அடைவதைப் பற்றியோ
அடைந்து விட்டதைப் பற்றியதொரு பிரக்ஞையோ
பிறரால் மட்டுமே அறிவிக்கப்படுகிறது
பின்னோக்கி நகர்வதைப் போலொரு பிரமை
கடந்து செல்லுபவர்களால் விநியோகமாகிறது
இந்தப் புதிரைப் பகிர்ந்து கொள்ளும்
காலக் கண்ணாடியில்..
முதல் சுறுக்கம் சிநேகக் கோடென இழுத்துச் சென்று
அறிமுகம் செய்து வைக்கிறது
கிருதாவில் கொத்தாக நிறம் மாறிவிடும்
வயோதிகத்தில்..
அந்தக் காலையை
எங்கிருந்து தொடங்குவது
என்பதைப் பற்றி
யாருக்கும் சொல்லப் பிடிக்கவில்லை
****
நன்றி : ( உயிரோசை / உயிர்மை.காம் ) [ செப்டம்பர் - 2010 ]
http://www.uyirmmai.com/ContentDetails.aspx?cid=3360
கருத்துகள் இல்லை:
கருத்துரையிடுக