*
தெரு முக்கு இட்லி கடையருகே
பற்களை இழந்த
கிழவன் ஒருவனின்
தாடை அசைவில்..
நரைத்து விட்ட வருடங்கள்
கறுத்த கன்னங்களின் குழிக்குள்
இருள் பள்ளம் போல
அமிழ்ந்து மீள்கின்றன
நொடிக்கொரு முறை..
அருகே..
அடித்தண்டு வீங்கிப் பழுத்து
மேடு இறக்கங்களோடு
உயர்ந்து நிற்கும்
அரச மர இலைகள்..
காற்றில் ஒருசேர அசைந்து
முணுமுணுக்கின்றன..
காலத்தின் சலசலப்பை..!
****
கருத்துகள் இல்லை:
கருத்துரையிடுக