*
அத்தனை எளிதாக இருந்துவிடவில்லை
கைக்குழந்தையின்
உள்ளங்கை ரேகை வரிகளை
கவிதைக்கென சுவீகரிப்பது
அத்தனை எளிதாக இருந்துவிடவில்லை
ஒரு
புன்னகையின் அளவுகோளை
விஸ்தரித்து எல்லைக் கிழிப்பது
அத்தனை எளிதாக இருந்துவிடவில்லை
எதிர்பார்க்கும் துரோகத்தின்
தீர்மானங்களை அனுமானித்து வெளியிடுவது
அத்தனை எளிதாக இருந்துவிடவில்லை
இருமுனை ஒப்பந்த மீறலில்
சந்தர்ப்பங்கள் நீர்த்துப் போவது
அத்தனை எளிதாக இருந்துவிடவில்லை
ரகசியங்கள் உச்சரிக்கப்பட்ட
உதடுகளின் மந்திரத்தில்
மௌனங்கள் எரிவது
அத்தனை எளிதாக இருப்பதில்லை
என்னிலிருந்து நானைக் கடத்தி
உன்னிடம் ஒப்படைப்பது..
****
கருத்துகள் இல்லை:
கருத்துரையிடுக