*
அதி இறுக்கமான
ஓர் உரையாடலை என் கையில்
திணித்துச் செல்கிறாய்..
அதிலிருந்து
உன் மௌனங்களைப் பிழிந்தெடுப்பது
சுலபமாய் இருக்கவில்லை..
தவறுதலாய்க் கைப்பட்டு நொறுங்கும்
உண்மைகளின் சில்லுகளில்
மினுக்குகிறது
சொல்ல மறந்த பொய்கள் மொத்தமும்
நீ
இங்கு வரவேண்டும்..
மீண்டுமொரு நட்சத்திர இரவில்
மற்றுமொரு பாசாங்கை
இருவரும்
ஒத்திகைப் பார்த்துவிடலாம்..
****
கருத்துகள் இல்லை:
கருத்துரையிடுக