*
காத்திருந்த நிமிடங்களின்
பிரம்மாண்ட நிழல்..
கண் முன்
காலடியில் நகர்கிறது..
கடந்து போகும்
பிற மனிதர்களின் நிழல்களோடு
அவை சிநேகம் கொள்ள திரும்புகின்றன..
விரைதலின் வேகத்தில்..
தொடுதலோ..
ஒரு கை குலுக்கலோ
சாத்தியப் படவில்லை..
என் நிழல்களுக்கு..
ஏமாற்றங்களுடன்
அவை..
என்னையே வெறிக்கின்றன..
காத்திருக்கும் நிமிடங்களின்
பிரம்மாண்ட நிழல்கள்.. குறுகி போய்..
இப்போது
என்னருகே தான் அமர்ந்திருக்கின்றன
என்னை போலவே..
****
கருத்துகள் இல்லை:
கருத்துரையிடுக