*
கனத்த மரக்கதவுக்கு
பின்னிருந்து
எட்டி பார்க்கிறது
ஒற்றைக் கண் மட்டும் காட்டி
ஒரு பூனை..
தெருவைக் கடக்க வேண்டிய
தயக்கங்களைக் கொண்டு
என் பார்வையை அளக்கிறது..
இயல்பாய்
திரும்பிக் கொண்டாலும்..
சந்தேக விலகலற்று ஒரு தீர்க்க நோக்கு..
மீசை நுனி நெருடலோடு..
ஒரு பதுங்கல்..
முகத்தின் ஒரு பாதியில்..
ஒற்றைக் கண் தரிசனம்..
ஒரு அசந்தர்ப்ப இடைவெளியில்..
தெருவை விருட்டென்று
கடந்த அதன் வேகத்தில்..
காண நேர்ந்தது..
புடைத்திருந்த வயிற்றில்
சிறு சிறு உருளையென குட்டித் தலைகள்..
மீண்டும் தயக்கங்கள் கொண்டு
ஒரு பார்வை அளத்தல்..!
****
கருத்துகள் இல்லை:
கருத்துரையிடுக