*
சின்னஞ் சிறிய
சுழல் காற்றொன்று..
மின் விளக்கு கம்பத்துக்கு அருகே..
குப்பைகளை சுழற்றிக்கொண்டு
ஒத்திகை பார்க்கிறது..
நாயொன்று
மோப்பம் பிடித்தபடி
கிளரும் குப்பைத் தொட்டிக்குள்
பதற்றத்தோடும் கிடைக்கக்கூடும்
கொஞ்சம் குப்பைகள்..
ஒத்திகையின் அரங்கேற்றத்தை
செய்தியாக்கும்
பத்திரிகையாளன்
டீ கடையில்...
சிகரட் பிடித்தபடி
செல்போனில் யாரோடோ
பேசிக் கொண்டிருக்கிறான்..
'கேயாஸ் தியரி ' - பற்றின
ஆராய்ச்சியில்..
எங்கோ ஒரு அறிவியலாளன்
தலை மயிரை பிய்த்துக் கொண்டிருக்கலாம்..
கணங்களின் அற்புதங்களை..
கவிதையாக்கிக் கொண்டிருக்கிறேன்
நான்..!
****
கருத்துகள் இல்லை:
கருத்துரையிடுக