நிர்ப்பந்தங்களோ நிபந்தனைகளோ
தீர்மானிப்பதில்லை நம் உரையாடலை
திடீர் பிரேக்கில்
தார்சாலையில் பத்தடி பொசுங்கி நிற்கும்
லாரி டயரைப் போல..
நடுவில்
ஸ்தம்பித்து விடுகிறது எப்போதும்
துருப்பிடித்த இரும்புக் குழாயின்
உச்சியிலிருந்து
வழிந்திறங்கும் மழைத்துளியை
ஒத்திருக்கிறது
நம் உரையாடலின் வாசம்
சுழித்தோடும் நகரத்துச் சாக்கடையின்
வர்ணத்தை
நம் வார்த்தைகள் பூசிக்கொள்வதில்
உரையாடலின்
கணுக்காலளவு போதுமானதாய் இருக்கிறது
அது
திரும்பி நிற்கும் திசையின் மர்மம்
யாராலும் கண்டுபிடிக்க முடியாமலிருக்க..
****
நன்றி : ' உன்னதம் ' மாத இதழ் - ( மே - 2010 )
****
நன்றி : ' உன்னதம் ' மாத இதழ் - ( மே - 2010 )
கருத்துகள் இல்லை:
கருத்துரையிடுக