*
அப்படி நிகழ்ந்துவிடுதல்
என்பதைத் தவிர
அதில் வேறு ஒரு அர்த்தம் இருப்பதில்லை
நண்பர்களுடனான
விவாதங்களில்
தர்க்கத்தின் கடைசி வரியிலிருந்து
முன்னேறும் கணத்தில்
காலிடறி
குப்புறக் கவிழ்க்கிறது
ஒரு தத்துவம்
தோழிகளின் கண்ணீர் துடைக்க
நீளும் விரல்
உதடுகளில் பட்டுவிடும்போது
வார்த்தைகளோடு புறப்பட்டுவிடுகிறது
ஒரு அபத்த முத்தம்
சிகப்பு ஆரஞ்சு பச்சை
என்று நிறங்களின் லயிப்பில்
சாலைக் கடக்கும்
கவனப் பிசகில்
ஒரு சேர ஒலிக்கின்றன
வித வித ஹாரன்களும்
வசவு வார்த்தைகளும்
துயரங்களும்
பிரியங்களும்
இருளில் அசையும் மரங்களின்
நிழல்களை போல்
கொண்டாடி புணர்கின்றன
அதில் வேறு ஒரு அர்த்தம் இருப்பதில்லை
அப்படி நிகழ்ந்துவிடுதல்
என்பதைத் தவிர
****
நன்றி : ( உயிரோசை / உயிர்மை.காம் ) [ அக்டோபர் - 2010 ]
http://www.uyirmmai.com/ContentDetails.aspx?cid=3560
கருத்துகள் இல்லை:
கருத்துரையிடுக