*
உயர்த்திப் பிடித்தக் கொடிகள்
அசையாமல் நகர்கின்றன
காற்றில்லை
வெயில் ஒழுகும் தார்சாலையில்
கொள்கைகள் தீப் பிடித்து கருகும் வாசம்..
சிக்னலில் நிற்கும்
ஹெல்மட்களில் வழிகிறது
பிடரிக் கழுத்தைக்
கசகசக்க வைக்கும் சூரியனின்
மஞ்சள் திராவகம்..
கறுத்த
நடு முதுகெங்கும் ஊறுகிறது
அருவருப்பான புழுவைப் போல
மீண்டும் மீண்டும் ஜனநாயகப் புழுதியை
வாரி இறைத்து விரைகின்றன
அரசின் சொகுசு வாகனங்கள்
சிக்னலில் வெகு நேரம்
எரிகிறது சிவப்பு
****
கருத்துகள் இல்லை:
கருத்துரையிடுக