*
பீக்-அவர் டிராபிக்கில்
கைமாறும் சில்லறைகள்..
பஸ்சுக்குள் சிதறித் தொலைகின்றது
அவசரமாய் சாலை கடக்கும்
மார்க்கெட்டிங் மனிதனின்
கிராஸ் பாக்கில்
தனக்குள் மோதி சிணுங்கி
சிரிக்கிறது
டிபன் பாக்சும் குட்டி ஸ்பூனும்..
தாவி ஏறும் படிக்கட்டுகளில்..
ஷூக்கள்
ஸ்லிப்பர்கள்
தோல் செருப்புகள்
மற்றும் வெறும் கால்கள்
முண்டியடிக்கிறது..
நக அளவு இடத்துக்கு..
பவுடர் தொலைந்த
கூந்தல் கலைந்த
உடை கசங்கிய
கசகசப்பில்..
கைமாறிப் பயணிப்பது
டிக்கட் மட்டுமல்ல..
கொஞ்சமாவது..
ஈரம் மங்கிய புன்னகைகளும்..
ஜன்னலோரம் தஞ்சமாகும்
தென்றல்களும்..
****
கருத்துகள் இல்லை:
கருத்துரையிடுக